News Details

Milestone of Excellence Language Academy မှ အင်္ဂလိပ်စာ အခြေခံ (Pre-Intermediate Level) ရှိသူများအနေဖြင့် IELTS Band Score မြင့်မားစွာ ရရှိနိုင်ရန် ပြင်ဆင်သင့်ပုံများကို မျှဝေပေးသည့် “Pre-Intermediate to IELTS Journey” Webinar ကို ဇူလိုင်လ (၂၀) ရက်နေ့တွင် Zoom Platform မှတစ်ဆင့် အောင်မြင်စွာ ကျင်းပပြုလုပ်ခဲ့ပါသည်။ ဤဆွေးနွေးပွဲတွင် Speaker အဖြစ် Milestone of Excellence ၏ ကျောင်းသားဟောင်းတစ်ဦးဖြစ်သူ Ko Kyaw Sit Thway (Daniel) မှ သူ၏ ကိုယ်တွေ့အတွေ့အကြုံများကို အခြေခံကာ ပြန်လည်မျှဝေပေးခဲ့ခြင်း ဖြစ်ပါသည်။ Ko Kyaw Sit Thway သည် Milestone တွင် IELTS Foundation နှင့် IELTS Essential 7 Plus အတန်းများကို တက်ရောက်ခဲ့ပြီး ကြိုးစားမှုရလဒ်အဖြစ် IELTS Band 7 ရရှိထားသူဖြစ်သလို၊ Scholarship ပါ ရရှိထားသူ တစ်ဦးဖြစ်ပါသည်။ ဆွေးနွေးပွဲအတွင်း Pre-Intermediate မှ IELTS သို့ ထိရောက်စွာ လေ့လာနိုင်မည့် လမ်းကြောင်းများ၊ Skill တစ်ခုချင်းစီအတွက် Tips & Tricks များ၊ ကျောင်းသားအများစု မှားယွင်းလေ့ရှိသည့် အချက်များနှင့် ပြင်ဆင်ချိန် သတ်မှတ်ပုံများကို အသေးစိတ် ရှင်းလင်းပြောကြားခဲ့ပါသည်။ ကိုယ်တိုင် ကြိုးစားအားထုတ်မှု (Self-discipline) ဖြင့် အောင်မြင်မှုရယူနိုင်ခဲ့သည့် ကျောင်းသားဟောင်းတစ်ဦး၏ လက်တွေ့ကျသော မျှဝေမှုဖြစ်သည့်အတွက် တက်ရောက်သူများအတွက် များစွာ အကျိုးရှိစေခဲ့သော ပွဲတစ်ခု ဖြစ်ခဲ့ပါသည်။ Webinar ပြန်လည်ကြည့်ရှုလိုသူများအနေဖြင့် IELTS Support by MOE Facebook Group တွင် ဝင်ရောက်လေ့လာနိုင်ပါသည်။ +4