News Details

Milestone of Excellence Language Academy မှ မြန်မာနိုင်ငံတစ်ဝန်း ကြုံတွေ့ခဲ့ရသော ရေဘေးအန္တရာယ်အတွက် "ရေဘေးသင့်ပြည်သူများထံသို့ လူသားချင်းစာနာမှု အကူအညီပေးအပ်ခြင်း နှင့် အလှူငွေကောက်ခံခြင်း" အစီအစဉ်ကို စက်တင်ဘာလ (၁၄) ရက်နေ့မှ (၃၀) ရက်နေ့အထိ ပြုလုပ်ခဲ့ပါသည်။ ဤအစီအစဉ်တွင် Milestone of Excellence ကျောင်းမှ မတည်ငွေ ကျပ်သိန်း (၅၀) နှင့် ကျောင်းသား/သူများ၊ ဆရာ/ဆရာမများ၊ မိဘပြည်သူများ၏ ထည့်ဝင်လှူဒါန်းငွေ (၃,၂၄၃,၀၀၀) ကျပ် စုစုပေါင်း ကျပ် (၈၂) သိန်းကျော် ကို ရရှိခဲ့ပြီး၊ ပြန်လည်ထူထောင်ရေးလုပ်ငန်းများအတွက် နေရာဒေသအသီးသီးသို့ အောက်ပါအတိုင်း (၂) ကြိမ်ခွဲ၍ လှူဒါန်းနိုင်ခဲ့ပါသည် - ပထမအကြိမ် လှူဒါန်းမှု (Solar LED Lights) လှူဒါန်းငွေ: Milestone of Excellence မှ မတည်ငွေ ကျပ်သိန်း (၅၀)။ စီစဉ်ဆောင်ရွက်မှု: Toly Moly မှ Ko Kyant (ကိုကြံ့) မှတစ်ဆင့် ချိတ်ဆက်လှူဒါန်းခြင်း။ လှူဒါန်းခဲ့သော နေရာများ: ညောင်ပင်သာ၊ သာယာကုန်းကျောက်တန်း၊ လုံကန့်၊ ထီးကာ၊ ချောင်းနားတောင်၊ ချောင်းနားမြောက်၊ စကားဒေသ နှင့် ဆင်တောင်ရွာ။ လှူဒါန်းပစ္စည်း: လျှပ်စစ်မီးလိုအပ်ချက်ရှိသော နေရာများအတွက် Solar LED Lights များ။ ဒုတိယအကြိမ် လှူဒါန်းမှု (Inle Region) လှူဒါန်းငွေ: ပြည်သူများ၏ အလှူငွေ (၃,၂၄၃,၀၀၀) ကျပ်အပေါ် Milestone of Excellence မိသားစုမှ ထပ်မံဖြည့်စွက်၍ စုစုပေါင်း (၄၁) သိန်းကျပ် ။ စီစဉ်ဆောင်ရွက်မှု: ကိုယ်တိုင်ကိုယ်ကျ သွားရောက်လှူဒါန်းခြင်း။ လှူဒါန်းခဲ့သော နေရာ: အင်းလေးဒေသ၊ ဟဲယားရွာမ။ ကပ်ဘေးအန္တရာယ်ကာလတွင် တတ်စွမ်းသမျှ ပါဝင်ကူညီခဲ့ကြသော အလှူရှင်များအားလုံးကို ကျေးဇူးအထူးတင်ရှိပါသည်။ (မှတ်ချက် - ပါဝင်လှူဒါန်းခဲ့သူများအတွက် သီးသန့်ပညာဒါနအစီအစဉ် ပြုလုပ်ပေးသွားမည်ဖြစ်ပါသဖြင့် အလှူငွေဖြတ်ပိုင်းများကို သိမ်းဆည်းထားကြပါရန် လေးစားစွာ အသိပေးအပ်ပါသည်။) +4